Kailangang abisuhan ng mga dayuhang nagpalit ng kanilang lugar ng tirahan ang nauugnay na Tanggapan ng Pandarayuhan (lungsod, kondehan, o distrito) tungkol sa iyong bagong tirahan sa loob ng 14 na araw. Kung hindi ka mag-aabiso, maaaring magbayad ka ng multa. 

Sinusuportahan ng Ahensiya ng Suporta sa Anak ang mga tao upang makatanggap ng suporta sa anak. Para sa karagdagang impormasyon, mangyaring bisitahin ang bahay-pahina ng Ahensiya ng Suporta sa Anak (www.childsupport.or.kr) o tumawag sa 1577-4206.

Nagsasagawa ang Tanggapan ng Tawag ng Danuri (1577-1366) ng serbisyong pagpapayong legal mula sa abugado sa pamamagitan ng telepono o panayam tuwing Martes (isang beses isang linggo) kasabay ng Kapisanan ng mga Abugado ng Korea.

Kung tatawag ka nang maaga sa 1577-1366 para sa kahilingan, ibibigay ng sentro ang serbisyo.

Kung tatawag ka sa Tanggapan ng Tawag ng Danuri (1577-1366), ipapaliwanag ng tauhan ng tanggapan ng tawag, na nagsasalita ng iyong wika, sa iyong manggagamot o parmasyutiko.

(※ Mga Wikang Pangserbisyo: Koreano, Ingles, Intsik, Vietnamese, Filipino, Cambodian, Mongolian, Ruso, Hapon, Thai, Uzbek, Nepali, at Lao)

Makakatanggap ang mga anak na edad 0 hanggang 5 ng pamilyang multikultural, na gumagamit ng sentro ng pang-araw na pangangalaga, ng benepisyong pangangalaga ng bata. Gayunpaman, maiiba ang benepisyong pangangalaga ng bata ayon sa mga oras ng pananatili sa sentro ng pang-araw na pangangalaga.

Para sa karagdagang impormasyon, mangyaring makipag-ugnayan sa Tanggapan ng Tawag para sa Kalusugan at Kapakanan (129), o lokal na sentro ng serbisyong pangkomunidad sa <i>eup</i>, <i>myeon</i>, at <i>dong</i> sa lugar ng iyong tirahan.

Anuman ang antas ng kita, makakatanggap ang pamilya ng benepisyong pangangalaga ng bata para sa mga paslit at musmos na inaalagaan sa bahay. Gayunpaman, hindi dapat inaalagaan ang bata sa ibang mga serbisyong pangangalaga ng bata tulad ng sentro ng pang-araw na pangangalaga, kindergarten, o serbisyong buong araw na pangangalaga ng bata.

Makikita mo ang mga detalye sa bahay-pahina ng BOKJIRO (http://www.bokjiro.go.kr/welInfo/retrieveGvmtWelInfo.do?welInfSno=295).

Para sa karagdagang impormasyon, mangyaring makipag-ugnayan sa Tanggapan ng Tawag para sa Kalusugan at Kapakanan (129) o lokal na sentro ng serbisyong pangkomunidad sa <i>eup</i>, <i>myeon</i>, at <i>dong</i> sa lugar ng iyong tirahan.

Nagpapadala ang pamahalaan ng Koreanong katulong para sa nanay at bagong silang na sanggol ayon sa antas ng kita. Nag-iiba ang istado ng operasyon para sa bawat rehiyon. Para sa karagdagang impormasyon, mangyaring makipag-ugnayan sa nauugnay na pangkomunidad na sentrong pangkalusugan.

Nag-iiba ang pamamaraan ng aplikasyon ayon sa antas ng kita. Para sa kahilingan para sa suportang pampamahalaan, dapat bumisita ang aplikante sa lokal na sentro ng serbisyong pangkomunidad sa <i>eup</i>, <i>myeon</i>, at <i>dong</i> na nakarehistro sa pagpaparehistro bilang residente ng anak upang makumpirma ang uri ng kita, at magparehistro bilang tagagamit sa bahay-pahina at mag-aplay para sa serbisyo.

Kung kabilang ka sa uring Ra, na ang ibig sabihi’y kailangan mong bayaran ang buong singil sa serbisyo nang ikaw lamang, magpamiyembro sa serbisyong pampublikong yaya (http://www.idolbom.go.kr) sa online at pagkatapos mong ma-apruba bilang ganap na miyembro, mag-aplay para sa serbisyo.

Mahahanap ang mga sentro ng pang-araw na pangangalagang may pinahabang oras sa pamamagitan ng detalyadong paghahanap sa menu para sa paghahanap ng sentro ng pang-araw na pangangalaga ng bahay-pahina ng Komprehensibong Website para sa Pagbubuntis at Pangangalaga ng Paslit na “i-sarang” (http://www.childcare.go.kr) at site ng portal para sa impormasyon sa pangangalaga ng bata (http://info.childcare.go.kr).

Mahahanap ang mga sentro ng pang-araw na pangangalaga sa lugar ng tirahan sa bahay-pahina ng Komprehensibong Website para sa Pagbubuntis at Pangangalaga ng Paslit na “i-sarang” (http://www.childcare.go.kr) at ang site ng portal para sa impormasyon sa pangangalaga ng bata (http://info.childcare.go.kr).