[Энэ төрлийн гэмт хэргийн төрөл]

- Хууль бусаар зураг, дүрс бичлэг авах: Биеийн тодорхой хэсэг болон тодорхой үйлдлийн фото зураг эсхүл дүрс бичлэг авах. Бэлгийн дарамт үзүүлж болохуйц фото зураг, дүрс бичлэгийг авсан нь тухайн хүн зөвшөөрсөн эсэхээс үл хамаарч гэмт хэрэгт тооцогдоно.

- Тараах, олшруулах: Групп чат, нийгмийн сүлжээ, садар самуун сайт, онлайн бүлэг холбоонд хууль бус материал оруулах, хувийн харилцаатай байсан хүндээ өш хонзон санаж, хууль бус материалыг тараах гэх мэт үйлдэл.

- Зураг тараахаар айлган сүрдүүлэх: гэр бүл, ойр тойрны хүмүүст нь хууль бус материал тараахаар сүрдүүлэх, эсхүл бусдад тараахаар айлган сүрдүүлж мөнгө нэхэх.

- Тараагч/хамжигч: садар самуун сайт, вэбхард (хууль бус материал байршуулдаг сайт) зэрэг платформ ажиллуулдаг эсхүл тэдгээрийг ашигладаг этгээд.

<Таны ойлголт, мэдлэгийг нэмэгдүүлэх нь бидний үйл хэрэг!>

Юуны өмнө хууль бусаар үйлдсэн материал дээр товчлуур дарахгүй байх.

Та анхаарал болгоомжгүйгээр хууль бус материал, бичлэгийг үзсэнээрээ цахим гэмт хэргийн үйлдэгч болно. Хууль бус материал дээр дарахгүй байснаар гэмт хэрэгтнүүд тэдгээрээс ашиг хонжоо олох боломжгүй болно.

Хоёрт, өшөө авах зорилгоор садар самуун бичлэг хийх, тараах нь арилжааны зорилготой гэж тооцогдохгүй.

Өшөө авах зорилгоор садар самуун бичлэг тараах гэдэг нь өмнөх найз залуу эсхүл найз охиныхоо бэлгийн зураг, дүрс бичлэгийг өш хонзонгийн сэдлээр тараах үйлдлийг хэлнэ. Порнограф гэдэг нь арилжааны зорилгоор порно бичлэг хийхийг ойлгох бөгөөд өшөө авах зорилгоор бичлэг хийх, тараах зэрэг нь порнограф болохгүй. Иймд хууль бусаар хэн нэгний бичлэгийг хууль бусаар хийх, тараах үйлдэлд оролцож болохгүй гэдгийг үргэлж санаарай.

<i>“Нийтийн бие засах газар хэн нэгэн бичлэг хийж байна гэж би бодож байна!”</i>

* Хууль бусаар бичлэг хийх үйлдэлд дараах арга хэмжээг аваарай!

① Хууль бус үйлдлийг мэдсэн даруйд 112 дугаарт залгах эсхүл тухайн нутаг дэвсгэрийн цагдаагийн хэлтэст мэдэгдээрэй.

② Хэрэв камер суурилуулсан байвал нотлох баримт болгон өгөөрэй.

③ Гэмт этгээдийг таниулах гар утасны загвар, гадаад төрх зэргийг марталгүй тогтоож аваарай.

<i>“Миний нүцгэн зураг интернэтэд байгаа талаар манай найз хэд хоногийн өмнө хэлсэн.”</i>

* Хууль бусаар тараах үйлдэлд дараах арга хэмжээг аваарай!

① Цахим орчинд байрлуулсан бичвэр холбоос, эх бичлэг, түүнийг баримтжуулсан хуулбар гэх мэт нотлох баримтыг хадгалж авах.

② Нотлох баримтыг цуглуулж авсны дараа хуудасны нэг тал дээр хэвлэж, нутаг дэвсгэрийн цагдаагийн хэлтэс мэдэгдэх.

③ Учирсан гэм хорын талаар цагдаагийн ажилтантай ярилцаад гомдол гаргаж өгөх.

④ Цахим хуудас ажиллуулдаг хүн эсхүл тухайн мэдээллийг устгахад тусалж чадах байгууллага, бүлэгт хандан тараагдсан материалыг устгах хүсэлт гаргах.

<i>“Биднийг салсны дараа тэр бэлгийн харилцаагаа нууцаар бичсэн бичлэгээ тараана гэж айлган сүрдүүлж байна.”</i>

* Хууль бус материалыг тараана гэсэн дээрх сүрдүүлэгт дараах арга хэмжээг аваарай!

① Сүрдүүлгийн шинжтэй мессеж, утасны ярианы бичлэг зэргийг хадгалж, цагдаагийн байгууллагад мэдэгдэх.

② Хэрэв тухайн этгээдийн тараана гэж сүрдүүлсэн эх хуулбар нь байгаа бол түүнийг мөн мэдээлэх.

③ Гэмт этгээдийн гэрийн хаягийг мэддэг бол тухайн нутаг дэвсгэрийн цагдаагийн хэлтэст, мэдэхгүй тохиолдолд өөрийн амьдардаг нутаг дэвсгэрийн цагдаагийн хэлтэст мэдэгдээрэй.

[Тусламж үзүүлдэг байгууллагууд]

Эмэгтэйчүүүдийн яаралтай тусламжийн төв - 1366 (www.women1366.kr)

Бэлгийн эрх чөлөөний эсрэг цахим гэмт хэргийн хохирогчид туслах төв - 02-735-8994 (www.women1366.kr/stopds)

Солонгосын кибер бэлгийн хүчирхийллийн эсрэг төв - 02-817-7959 (www.cyber-lion.com)

Солонгосын бэлгийн хүчирхийллийн хохирогчид зөвлөгөө өгөх төв - 02-338-5801 (www.sisters.or.kr)

Солонгосын эмэгтэйчүүдийн яаралтай дуудлагын төв - 02-2263-6464,5 (www.hotline.or.kr)

Солонгосын эмэгтэйчүүдийн холбоо Бэлгийн хүчирхийллийн хохирогчид зөвлөх төв - 02-335-1858 (http://womenlink.or.kr)