Хэл яриа хөгжүүлэх тусламж үйлчилгээ нь олон соёлт гэр бүлийн 12-с доош настай хүүхдүүдэд зориулагдсан ба тус үйлчилгээг өдөр өнжүүлэх, цэцэрлэг, бага сургуулийн ойролцоох төв дээр үнэгүй үзүүлдэг.

○Хэл ярианы хөгжлийг үнэлэх

- Хүүхэд ба асран хамгаалагчтай (эцэг эх, өдөр өнжүүлэх газрын захирал г.м) анхан шатны ярилцлага хийх

- Хүүхдэд тохирсон арга хэрэгсэл ашиглан хүүхдийн хэл ярианы хөгжлийн түвшинг үнэлэх

  • Үнэлгээг 1-4 удаагийн шалгалтаар хийх ба (нэг удаагийн шалгалтын үргэлжлэх хугацаа: 40 минут) хүүхдийн нас, хөгжлийн статус ба хүрээлэн буй орчинтой уялдуулан дүгнэнэ.

○Хэл яриа хөгжүүлэх боловсрол

- Хэл ярианы хөгжлийг үнэлсэний үндсэн дээр хүүхдийн үгийн сан, өгүүлбэрийн бүтцийн хөгжлийг хурдасгах, харилцан ярилцах ба нийгэмтэй харьцах чадварыг нь сайжруулах, мөн унших, уншсанаа ярьж өгөх чадварыг нь хөгжүүлэх боловсролыг олгоно.

- Боловсролыг олгохдоо хүүхдийн үнэлгээний онооны дагуу сургалтын зорилт тавин, түүнийхээ дагуу хичээллэх болно.

  • Долоо хоногт 2 удаа, хичээл бүр 40 минут үргэлжилнэ.

  • Хичээлийн төрөл: Ганцаарчилсан (1:1), Бүлгийн (2-с олон хүн)

※Бүлгийн хичээл нь нас ба хөгжлийн статусын хувьд ижил төстэй бүлэг хүүхдүүдэд чиглэнэ.

○Эцэг эхэд зөвлөж, боловсрол олгох

- Эцэг эхэд зөвлөх хөтөлбөр нь хүүхэд ба эцэг эхийн хооронд харилцан ойлголцоход чиглэх бол эцэг эхэд боловсрол олгох хөтөлбөр нь хүүхдийн хэлний хөгжлийг дэмжихэд чиглэнэ.

Засгийн газраас дэмжлэг олгодог орлогын төрлийн аль нь таны (хүүхдийн) оршин суугчийн бүртгэл дээр тэмдэглэсэн эуп, мёон, дон олон нийтийн үйлчилгээний төвд хамаарахыг олох хэрэгтэй. (※зөвхөн үйлчилгээг авах гэж буй хүний оршин суугаа бүртгэлийг ашиглана).

→Засгийн газраас дэмжлэг олгох орлогын төрлийг тодорхойлсон бичгийг хүлээн авсны дараа өөрийн амьдардаг хотын Олон Соёлт Гэр бүлийг Дэмжих Төв дээр тус үйлчилгээг авах өргөдлөө өгнө үү.

Орон даяарх 217 Олон Соёлт Гэр бүлийг Дэмжих Төвөөс 216 нь мэргэшсэн зочлогч хянагчийг тухайн гэр бүл рүү илгээж, гэрээр зочлон боловсрол олгох үйлчилгээг үзүүлдэг. Энэ үйлчилгээнд гэр бүлийнхээ улмаас цагаачилж ирсэн хүмүүст болон олон соёлт гэр бүлийн цагаач хүүхдүүдэд зориулсан Солонгос хэлний сургалт, гэр бүлийнхээ улмаас цагаачилж ирсэн хүмүүст зориулсан эцэг эхэд боловсрол олгох сургалт, мөн хүүхдүүдэд зориулсан хүүхдийн амьдралын хэв маягийн үйлчилгээ зэрэг багтдаг.

Хэрэв танд гэрээр зочлон боловсрол олгох үйлчилгээний тухай асуулт, санал хүсэлт байгаа бол өөрийн амьдарч буй хотын Олон Соёлт Гэр бүлийн Төв дээр очиж уулзах эсвэл утсаар ярина уу.

Олон Соёлт Гэр Бүлийг Дэмжих Төвд хандахын тулд та тус төвд гишүүнээр элсэх хэрэгтэй ба үүнд дараах бичиг баримт шаардагдана:

① Олон соёлт гэр бүл

- Хэрэв танд оршин суух бүртгэлийн дугаар бий бол: Оршин Суугчийн Бүртгэлийн баримтын хуулбар (хуулбар дээр гэр бүлийн шалтгаанаар цагаачласан эсвэл Солонгос улсын иргэн болсон зэргийг бичсэн байна)’

- Хэрэв танд оршин суух бүртгэлийн дугаар байхгүй бол: Гэр бүлийн Холбоотойг Баталсан Гэрчилгээ ба Гадны Иргэний Бүртгэлийн Гэрчилгээний хуулбар эсвэл Гэр бүлийн Холбоотойг Баталсан Гэрчилгээ ба пасспортын хуулбар

② Гадаад улсын харъяат гэр бүлийн гишүүн г.м бол: Гадны Иргэний Бүртгэлийн Гэрчилгээний эсвэл Тухайн Улс оронд Оршин Суугчийн Бүртгэлийн хуулбар

- Гадаад улсын харъяат ажилчид, гадаад оюутнууд, гадаад дахь Солонгосчууд (Гадаад улс орны иргэншилтэй Солонгос хүмүүс + Гадаад улс оронд буй Солонгосын иргэд), дүрвэгсэд, г.м.

③ Хойд Солонгос Улсаас дүрвэгсэд: Хойд Солонгос Улсаас Дүрвэгсэдийн Бүртгэлийн Баталгаа

※①,②,③-с сонгон дурьдсан бичиг баримтыг ирүүлнэ үү.

Манай төв олон соёлт гэр бүлээс гаралтай хүүхдүүдэд зориулан янз бүрийн төсөл (гэр бүл, жендерийн тэгш байдал, хүний эрх, нийгэмд нэгтгэн оруулахтай холбоотой хөтөлбөр зохион байгуулах, зөвлөгөө өгөх үйлчилгээ), гэрээр зочлон боловсрол олгох үйлчилгээ (Солонгос хэлний боловсрол олгох үйлчилгээ, эцэг эхэд боловсрол олгох үйлчилгээ, хүүхдийн амьдралын хэв маягийн үйлчилгээ), мэдээлэл өгөх үйлчилгээ, олон соёлт гэр бүлийн хүүхдүүдэд зориулсан хэл яриа хөгжүүлэх төсөл ба гэр бүлийнхээ улмаас цагаачилж ирсэн хүмүүст зориулан хэлмэрч, орчуулгын үйлчилгээг үнэгүй үзүүлдэг. Харин хүүхдүүдийн амьдралын хэв маягийн үйлчилгээг үйлчлүүлэгчийн орлогоос хамаарсан тарифаар үзүүлдэг.