Assalomu alaykum.

Siz yuborgan savolga Danuri Call Markazi(1577-1366) javob yo’llamoqda.

Biz sizning farzandingiz xorij fuqaroligiga ega ekanligini tushungan holda jabov bermoqdamiz. Avvalo, farzandingiz koreys tilini yetarli darajada gapira olmasligi sababmi yoki til rivojlanishi kechikayotganini aniqlash zarur.

Har bir hududda faoliyat yuritayotgan Ko’p madaniyatli oila markazlari til baholash va til ta’limi zarur bo’lgan ko’p madaniyatli oila farzandlari (12 yoshgacha) uchun xaftasiga 2 marta, har safar 40 daqiqalik darslardan iborat bo’lgan “Ko’p madaniyatli bolalar uchun til rivojlantirish xizmati”ni bepul taqdim etib kelmoqda.

Ushbu “Ko’p madaniyatli bolalar uchun til rivojlantirish xizmati” doirasida ko’p madaniyatli oila farzandlarining til rivojlanish holati baholanadi va natijaga qarab til rivojlanishi yordamiga muhtoj bo’lgan bolalarga til rivojlantirish ta’limi hamda ota-ona maslahatlari beriladi.

Biz aniqlagan ma’lumotlarga ko’ra, Kimhe Oila Markazida ham xorijiy oila farzandlari ushbu xizmatdan foydalanishlari mumkin.

Farzandlar uchun tashkil etilgan ta’lim dasturlari haqida batafsil ma’lumot olish uchun yashash hududingizga qarashli Kimhe Ko’p Madaniyatli Oila Markazi(Oila Markazi 055-329-6355)ga murojaat qilishingizni tavsiya qilamiz.

Ma’lumot uchun, Kimhe Oila Markazida rus tilida faoliyat ko’rsatadigan tarjimon bor.

Agar Markaz xizmatidan foydalanishda koreys yoki rus tilida muloqot qilish siz uchun qiyin bo’lsa, Danuri Call Markazi(1577-1366)ga qo’ng’iroq qilib, o’zbek tilida tarjima yordamini olishingiz mumkin. Danuri Call Markazi(1577-1366) yil davomida 365 kun, kuniga 24 soat ishlaydi va 13 ta til(xitoy, vetnam, tagalog, kambodja, mo’g’ul, ingliz, tay, rus, o’zbek, yapon, nepal, laos, koreys) bo’yicha: ko’p madaniyatli oilalar va migrant ayollar uchun zo’ravonlikdan himoya va favqulodda yordam, maslahat xizmati, hayotiy ma’lumotlar, muammolarni hal qilish bo’yicha maslahat, tarjima(3 tomonlama telefon orqali) xizmatlarini taqdim etadi.

Raxmat

- Migrant ayollar · Ko’p madaniyatli oilalar uchun favqulodda yordam · maslahat va ma’lumot berish xizmati Danuri Call Markazi 1577-1366 -