[ប្រភេទបទល្មើសផ្លូវភេទឌីជីថល]

- ការថតខុសច្បាប់៖ ការថតរូបឬវីដេអូរាងកាយខុសច្បាប់ ឬក៏សកម្មភាពជាក់លាក់ណាមួយ។ បើសិនជាមនុស្សម្នាក់ថតរូបឬវីដេអូដែលបំពានទៅលើផ្លូវភេទរបស់មនុស្សម្នាក់ទៀត ការថតនោះត្រូវបានចាត់ទុកជាសកម្មភាពខុសច្បាប់ មិនថាទទួលបានការអនុញ្ញាពីម្ចាស់រូបឬក៏អត់នោះទេ។

- ការចែកចាយ/ចែកចាយបន្ត៖ ការអាប់ឡូតខុសច្បាប់នៅលើ group chats បណ្តាញសង្គម គេហទំព័ររឿងអាសអាភាស សហគមន៍អនឡាញ ការចែកចាយបន្តដោយមានចេតនាចង់ធ្វើបាបដៃគូស្នេហាក្រោយពីបែកបាក់គ្នាជាដើម។

- គម្រាមចែកចាយរូបភាព៖ ការគម្រាមកំហែងចែកចាយរូបភាពអាសអាភាសទៅលើគ្រួសារនិងអ្នកស្គាល់គ្នា ឬក៏ជំរិតទារប្រាក់ជាដើម។

- ការចែកចាយ/ប្រើប្រាស់៖ អ្នកផ្តល់វីដេអូដូចជា webhards និងគេហទំព័រវីដេអូអាសអាភាសនិងអ្នកប្រើប្រាស់។

<យើងត្រូវបង្កើនការយល់ដឹងរបស់យើង!>

ដំបូងបំផុត សូមកុំចុចលើរូបភាពឬវីដេអូខុសច្បាប់

អ្នកអាចក្លាយជាអ្នកប្រព្រឹត្តិបទល្មើសផ្លូវភេទឌីជីថលដោយគ្រាន់តែបើកវីដេអូខុសច្បាប់។

សូមកុំចុចលើវីដេអូខុសច្បាប់ ដូច្នេះទើបជនល្មើសមិនអាចរកប្រាក់ចំណេញពីពួកវាបាន!

ទីពីរ វីដេអូអាសអាភាសសងសឹកគ្នាមិនមែនជាអ្វីដែលយើងត្រូវចែកចាយបន្តនោះទេ។

វីដេអូអាសអាភាសសងសឹកគឺសំដៅទៅលើការបញ្ចេញរូបថត ឬវីដេអូផ្លូវភេទរបស់សង្សាចាស់ដែលបានថតទុក។ វីដេអូស៊ិចគឺសំដៅលើវីដេអូអាសអាភាសសម្រាប់ស្វែងរកប្រាក់ចំណេញ។ ការថតវីដេអូឬរូបភាពខុសច្បាប់មិនត្រូវបានចាត់ទុកជាវីដេអូអាសអាភាសសម្រាប់ស្វែងរកប្រាក់ចំណេញនោះទេ។

សូមចងចាំថា អ្នកមិនគួរថតរូបភាពឬវីដេអូរបស់នរណាម្នាក់ដោយខុសច្បាប់ ឬចូលរួមចំណែកក្នុងការចែកចាយវានោះទេ។

<i>“</i><i>ខ្ញុំគិតថាមានមនុស្សថតវីដេអូខុសច្បាប់នៅក្នុងបន្ទប់ទឹកសាធារណៈ</i><i>!</i><i>”</i>

* សូមឆ្លើយតបទៅនិងការថតខុសច្បាប់ដូចខាងក្រោម!

① រាយការណ៍អំពីការថតខុសច្បាប់ទៅ 112 ឬក៏ប៉ុស្តិ៍ប៉ូលិសជាបន្ទាន់ នៅពេលដែលអ្នកបានដឹងរឿងនេះ។

② បើអ្នករកឃើញកាម៉ារ៉ាបង្កប់ សូមយកវាធ្វើជាភស្តុតាង។

③ សូមចងចាំថាគន្លឹះក្នុងការកំណត់អត្តសញ្ញាណជនល្មើសគឺ ម៉ាក់ទូរសព្ទដៃ និងរូបរាងរបស់ជនល្មើ។

<i>“</i><i>កាលពីប៉ុន្មានថ្ងៃមុន</i><i> </i><i>មិត្តខ្ញុំប្រាប់ថានាងបានឃើញរូបថតស្រាតនៅលើអ៊ីនធឺណិត។</i><i>”</i>

* សូមឆ្លើយតបទៅនិងការថតខុសច្បាប់ដូចខាងក្រោម!

① ត្រូវប្រាកដអំពីភស្តុតាងក្នុងការចែកចាយដូចជាតំណរភ្ជាប់ ប្រភពវីដេអូ និងការថតចម្លង

② បន្ទាប់ពីប្រមូលភស្តុតាងបាន សូមព្រីនវាចេញ ហើយរាយការណ៍ទៅកាន់ប៉ូលិស

③ ក្រោយពីបានពិភាក្សាជាមួយប៉ូលិស សូមដាក់ពាក្យបណ្តឹង។

④ ស្នើរឲ្យមានការលុបរូបភាពដែលចាកចាយនោះទៅកាន់អ្នកប្រតិបត្តិគេហទំព័រ ឬអង្គភាពនិងក្រុមដែលអាចជួយក្នុងការលុបចោលបាន។

<i>“</i><i>បន្ទាប់ពីខ្ញុំសង្សាបែកគ្នា</i><i> </i><i>គេបានគម្រាមចែកចាយវីដេអូអាសអាភាសដែលគេបានលួចថត។</i><i>”</i>

* រាយការណ៍អំពីការគម្រាមចែកចាយរូបភាពដូចខាងក្រោម!

① ប្រមូលភស្តុតាងនៃការគម្រាមនោះដូចជា សារទូរសព្ទ ឬការថតសម្ល��ងការខល ហើយរាយការណ៍ទៅកាន់ប៉ូលិស។

② បើសិនជាមានច្បាប់ចម្លងដែលភាគីម្ខាងទៀតគម្រាមក្នុងការចែកចាយ សូមភ្ជាប់វាក្នុងការរាយការណ៍

③ បើសិនជាអ្នកស្គាល់អាស័យដ្ឋានរបស់ជនល្មើស សូមរាយការណ៍ទៅកាន់ប៉ុស្តិ៍ប៉ូលិសដែលជាទីអាស្រ័យរបស់ជននោះ។ បើអ្នកមិនស្គាល់ សូមរាយការណ៍ទៅកាន់ប៉ុស្តិ៍ប៉ូលិសដែលអ្នករស់នៅ។

 [អង្គការដែលផ្តល់ជំនួយទៅលើបញ្ហានេះ]

មជ្ឈមណ្ឌលហៅចូលបន្ទាន់សម្រាប់ស្រ្តី- 1366 (www.women1366.kr)

មជ្ឈមណ្ឌលគាំពាជនរងគ្រោះបទល្មើសផ្លូវភេទឌីជីថល - 02-735-8994 (www.women1366.kr/stopds)

មជ្ឈមណ្ឌលប្រឆាំងបទល្មើសផ្លូវភេទកូរ៉េ- 02-817-7959 (www.cyber-lion.com)

មជ្ឈមណ្ឌលប្រឹក្សាប្រឆាំងការរំលោភបំពានផ្លូវភេទកូរ៉េ - 02-338-5801 (www.sisters.or.kr)

មជ្ឈមណ្ឌលហៅចូលសម្រាប់ស្រ្តី - 02-2263-6464,5 (www.hotline.or.kr)

មជ្ឈមណ្ឌលប្រឹក្សាស្រ្តីកូរ៉េ - 02-335-1858 (http://womenlink.or.kr)