전체
- Qតើសេវាកម្មគាំទ្រការអភិវឌ្ឍភាសាសម្រាប់កុមារនៃគ្រួសារពហុវប្បធម៌ដំណើរការយ៉ាងដូចម្តេច?
-
A
សេវាកម្មគាំទ្រការអភិវឌ្ឍភាសា ដែលផ្តោតលើកុមារនៃគ្រួសារពហុវប្បធម៌ដែលមានអាយុក្រោម១២ឆ្នាំ គឺត្រូវបានផ្តល់នៅនឹងមជ្ឈមណ្ឌល ក្បែរៗមណ្ឌលថែទាំកុមារ មតេយ្យសាលា បឋមសាលា ។ល។ ដោយមិនគិតប្រាក់។
○ ការវាយតម្លៃលើការអភិវឌ្ឍភាសា
- ការសម្ភាសបឋមជាមួយកុមារនិងអាណាព្យាបាល (ឪពុកម្តាយ ឬនាយកមជ្ឈមណ្ឌលថែទាំកុមា។ល។)
- ការវាយតម្លៃលើកម្រិតការអភិវឌ្ឍភាសារបស់កុមារដោយប្រើប្រាស់ឧបករណ៍សម្រាប់ការវាយតម្លៃដែលសមស្របចំពោះកុមារ។
• ការវាយតម្លៃត្រូវបានធ្វើឡើងពីមួយទៅបួនវគ្គ (ក្នុងមួយវគ្គៗមានរយៈពេល៖ 40នាទី) ហើយនឹងត្រូវលៃតម្រូវផ្អែកតាមអាយុ ស្ថានភាពការអភិវឌ្ឍ និងស្ថានភាពជុំវិញរបស់កុមារ។
○ ការអប់រំសម្រាប់ការអភិវឌ្ឍភាសា
- ជាលទ្ធផលនៃការវាយតម្លៃលើការអភិវឌ្ឍភាសា កុមារនឹងទទួលការអប់រំភាសាលើការអភិវឌ្ឍផ្នែកវាក្យសព្ទនិងសំណង់ប្រយោគ ការពង្រឹងជំនាញការសន្ទនានិងការប្រាស្រ័យទាក់ទងសង្គម និងជំរុញការអភិវឌ្ឍការអាននិងនិយាយរឿងព្រេង។
- ការអប់រំនឹងត្រូវអនុវត្តដោយកំណត់គោលដៅអប់រំច្បាស់លាស់ ផ្អែតទៅតាមលទ្ធផលនៃការវាយតម្លៃរបស់កុមារ។
• ពីរដងក្នុងមួយសប្តាហ៍ ក្នុងមួយវគ្គ 40 នាទី។
• ប្រភេទមេរៀន៖ ម្នាក់ឯង (1:1), រួមគ្នា (សិស្សច្រើនជាងពីរនាក់)
※ មេរៀនរួមគ្នាក្នុងគោលបំណងសម្រាប់កុមារដែលមានកម្រិតប្រហាក់ប្រហែលគ្នានិងដែលមានអាយុ និងស្ថានភាពការអភិវឌ្ឍប្រហាក់ប្រហែលគ្នា។
○ ការប្រឹក្សានិងការអប់រំសម្រាប់អាណាព្យាបាល
- ការប្រឹក្សាជាមួយអាណាព្យាបាលនឹងត្រូវផ្តល់ជូនសម្រាប់ការបង្កើតទំនាក់ទំនងរវាងកុមារនិងអាណាព្យាបាល ចំណែកឯកការអប់រំអាណាព្យាបាលគឺក្នុងគោលបំណងដើម្បីគាំទ្រការអភិវឌ្ឍភាសារបស់កុមារ។
- Qតើខ្ញុំអាចស្នើសុំសេវាកម្មផ្តល់បែបផែនការរស់នៅរបស់កុមារយ៉ាងដូចម្តេច?
-
A
សេវាកម្មគាំទ្ររដ្ឋាភិបាលគួរអាចត្រូវបានស្នើសុំចំពោះ(កូន)ក្នុងលំនៅស្ថានរបស់កូន <i>eup</i>, <i>myeon</i>, និងមជ្ឈមណ្ឌលផ្តល់សេវាកម្មសហគមន៍ <i>dong</i> អំពីការចុះបញ្ជីស្នាក់នៅ (※ចំពោះតែសេវាកម្មស្នាក់នៅរបស់ម្ចាស់ផ្ទះប៉ុណ្ណោះ)។
→ បន្ទាប់ពីទទួលបានសេចក្តីជូនដំណឹងនៃប្រភេទចំណូលដែលគាំទ្រដោយរដ្ឋាភិបាល សូមទាក់ទងស្វែងរកសេវាកម្មនេះនៅមជ្ឈមណ្ឌលគាំទ្រគ្រួសារពហុវប្បធម៌។
- Qបើតាមខ្ញុំដឹងគឺថាសេវាកម្មអប់រំដល់លំនៅឋានគឺអាចត្រូវផ្តល់ជូនដល់គ្រួសារពហុវប្បធម៌ ថាតើសេវាកម្មអប់រំប្រភេទណាដែលនឹងត្រូវផ្តល់ជូន?
-
A
មជ្ឈមណ្ឌលគាំទ្រគ្រួសារពហុវប្បធម៌ចំនួន 216 កន្លែង ក្នុងចំណោម 217 កន្លែងនៅទូទាំងប្រទេសអនុវត្តការផ្តល់ជូនសេវាកម្មការអប់រំដល់លំនៅឋាន ដោយការបញ្ជូនអ្នកអប់រំប្រកបដោយគុណភាពទៅតាមគ្រួសារគោលដៅនានា។ សេវាកម្មរួមមានការអប់រំសម្រាប់ពលរដ្ឋកូរ៉េជាជនអន្តោប្រវេសន៍ដោយមូលហេតុអាពាហ៍ពិពាហ៍ និងកូនៗរបស់ជនអន្តោប្រវេសន៍នៃគ្រួសារពហុវប្បធម៌ ការអប់រំអាណាព្យាបាលសម្រាប់ជនអន្តោប្រវេសន៍ដោយមូលហេតុអាពាហ៍ពិពាហ៍ និងបែបផែននៃការរស់នៅរបស់កុមារសម្រាប់កូនក្មេងៗ។
ប្រសិនបើអ្នកមានសំណូមពរ ឬសំណួរអំពីសេវាកម្មអប់រំដល់លំនៅឋាន សូមទូរស័ព្ទឬមកកាន់មជ្ឈមណ្ឌលគាំទ្រគ្រួសារពហុវប្បធម៌របស់អ្នក។
- Qតើខ្ញុំត្រូវចូលរួមជាសមាជិកឬទេ ប្រសិនបើខ្ញុំចង់ប្រើប្រាស់សេវាកម្មដែលផ្តល់ដោយមជ្ឈមណ្ឌលគាំទ្រគ្រួសារពហុវប្បធម៌? តើខ្ញុំត្រូវការផ្តល់ឯកសារអ្វីខ្លះដើម្បីអាចចូលជាសមាជិកភាពបាន?
-
A
ដើម្បីមានសិទ្ធិប្រើប្រាស់សេវាកម្មដែលផ្តល់ជូនដោយមជ្ឈមណ្ឌលគាំទ្រគ្រួសារពហុវប្បធម៌ អ្នកចាំបាច់ត្រូវចូលរួមជាសមាជិកភាពនៃមជ្ឈមណ្ឌល និងតម្រូវឱ្យផ្តល់ឯកសារដូចខាងក្រោម៖
① គ្រួសារពហុវប្បធម៌
- ប្រសិនបើអ្នកមានលេខចុះបញ្ជីស្នាក់នៅរបស់អ្នក៖ ឯកសារថតចម្លងការចុះបញ្ជីស្នាក់នៅ (ដែលសរសេរថាជាជនអន្តោប្រវេសន៍ដោយមូលហេតុនៃអាពាហ៍ពិពាហ៍ ឬជាពលរដ្ឋកូរ៉េតាមរយៈជាតូបនីយកម្មនៅលើឯកសារថតចម្លងនេះ)’
- ប្រសិនបើអ្នកពុំមានលេខចុះបញ្ជីស្នាក់នៅរបស់អ្នកទេ៖ ឯកសារថតចម្លងទាំងវិញ្ញាបនបត្របញ្ជាក់ទំនាក់ទំនងគ្រួសារនិងវិញ្ញាបនបត្រនៃការចុះបញ្ជីទំនាក់ទំនង ឬឯកសារថតចម្លងទាំងវិញ្ញាបនបត្របញ្ជាក់ទំនាក់ទំនងគ្រួសារនិងលិខិតឆ្លងដែនរបស់អ្នក
② សម្រាប់សមាជិកគ្រួសារបរទេស ជាអាទិ៍៖ ឯកសារថតចម្លងវិញ្ញាបនបត្រចុះបញ្ជីទំនាក់ទំនង ឬវិញ្ញាបនបត្រចុះបញ្ជីស្នាក់នៅក្នុងមូលដ្ឋាន
- កម្មករបរទេស នីស្សិតបរទេស ពលរដ្ឋកូរ៉េនៅបរទេស (ពលរដ្ឋកូរ៉េមានសញ្ជាតិបរទេស និងពលរដ្ឋកូរ៉េរស់នៅបរទេស) ជនភៀសខ្លួន។ល។
③ ជនភៀសខ្លួនកូរ៉េខាងជើង៖ ការអះអាងអំពីការចុះបញ្ជីជាជនភៀសខ្លួនកូរ៉េខាងជើង
※ សូមដាក់មកជាមួយនូវឯកសារតម្រូវទាំងនេះក្នុងចំណោលការពិពណ៌នា ①, ②, និង ③។
- Qតើសេវាកម្មអ្វីខ្លះដែលមជ្ឈមណ្ឌលគាំទ្រគ្រួសារពហុវប្បធម៌ធ្វើការផ្តល់ជូន? តើខ្ញុំអាចទទួលបានសេវាកម្មទាំងនេះដោយមិនគិតថ្លៃដែរឬទេ?
-
A
មជ្ឈមណ្ឌលផ្តល់ជូននូវគម្រោងផ្សេងៗ (ប្រតិបត្តិការនៃកម្មវិធីពាក់ព័ន្ធនឹងគ្រួសារ សមភាពយេនឌ័រ សិទ្ធិមនុស្ស និងសមាហរដ្ឋកម្មចូលក្នុងសង្គម និងសេវាកម្មប្រឹក្សាយោបល់) សេវាកម្មអប់រំដល់លំនៅឋាន (សេវាកម្មការអប់រំប្រជាជនកូរ៉េ សេវាកម្មការអប់រំអាណាព្យាបាល និងសេវាកម្មសម្រាប់បែបផែននៃការរស់នៅរបស់កុមារ) សេវាកម្មផ្តល់ព័ត៌មាន គម្រោងគាំទ្រអភិវឌ្ឍផ្នែកភាសាសម្រាប់កុមារនៃគ្រួសារពហុវប្បធម៌ និងសេវាកម្មបកប្រែឯកសារ និងបកប្រែភាសាផ្ទាល់មាត់សម្រាប់ជនអន្តោប្រវេសន៍ដោយមូលហេតុអាពាហ៍ពិពាហ៍ដោយមិនគិតថ្លៃអ្វីឡើយ។ បើទោះបីជាយ៉ាងដូច្នេះក្តី សេវាកម្មផ្តល់បែបផែនៃការរស់នៅរបស់កុមារគឺជាកម្មវត្ថុនៃការទូទាត់ប្រាក់របស់អ្នកប្រើប្រាស់ស្របទៅតាមលក្ខណៈនៃចំណូល។