Menu Contents

DANURI

open
Home > Koreya hayotiga moslashishda ko'mak berish > Koreya haqida

Koreya hayotiga moslashishda ko'mak berishKoreya haqida

Koreyaga ilk bor kelgan nikoh immigrantlariga viza, fuqarolikni qabul qilish haqida ma'lumot beriladi, Koreya hayotiga oid savollarga javobni maslahatxonalardan olish mumkin.

Koreyadagi oila

Koreys oilalarining o’ziga xos xususiyatlari

Koreys oilalarining hayot-tarzi boshqa davlatlardan farqlanib turuvchi o’ziga xos xususiyatlari mavjud. Koreys oilalarining xususiytatini tushunib olsangiz Koreyada yashash ancha osonlashib, koreys madaniyatini tushunishda katta yordam beradi. Oilaviy madaniyatlar har bir oilada turlicha bo’lib, hududlarga qarab ham farq qiladi. Koreya an'anaviy tarzda qadimdan konfutsiylik madaniyatining ta’sirini olib kelgan. Shu bois, koreys oilalari madaniyatining konfutsiylik madaniyatiga ega bo’lgan boshqa davlatlar madaniyati bilan o’xshash tomonlari ko’p bo’lsa ham, sanoat rivojlanishi ildamlashgan hozirgi vaqtda koreys oilalalari madaniyati ham borgan sari o’zgarib bormoqda.

  1. 1) Oilaviy qarindoshlik aloqalari

    • Oilaning har bir a’zosi baxtli bo’lish uchun o’zaro ahil bo’lishni muhim deb hisoblaydi.
    • Oilada katta-kichik o’rtasidagi o’zaro hurmat va tartib muhim hisoblanadi. Oilada bolalarga ota-ona, bobo-buvi, qarindoshlar, umuman olganda yoshi kattalarni hurmat qilishni o’rgatib borishadi
    • Koreys oilalarida ota-ona va farzandlar o’rtasidagi aloqalari alohida xususiyatga ega. Koreys ota-onalarining farzandlariga bo’lgan mehr-muhabbati o’zgacha. Shu bois ba’zan bunday haddan ortiq muhabbat bolaning mustaqil bo’lishiga xalaqit beradi.
    • Katta yoshga yetgan farzandlar va keksa ota-onalar o’rtasidagi munosabatlarga kelsak, ota-onaning qattiqqo’lligi va bolani boshqarishi sustlashgan, lekin, o’zaro muloqot ko’payib, munosabatlari ham ijobiy tomonga o’zgarib bormoqda.
  2. 2) Er-xotin aloqalari

    • Er-xotin o’rtasidagi o’zaro munosabatlar yaxshi bo’lishi kerak, lekin oiladagi farzand sifatidagi burchi, ota-ona sifatidagi burchini ham yaxshi bajarish muhim deb hisoblaydilar.
    • O’tmishda uy ishlari va bolalarni tarbiyalab katta qilish ayolning vazifasi deb hisoblangan. Biroq, hozirgi kunda erkaklar ham uy ishlarini qilish va bolalar tarbiyasini ayollar bilan birdek olib bormoqdalar.
    • Ana'naviy koreys erkaklari odatda o’z ayollarini unchalik erkalatmaydilar. Ayniqsa, qadimda ota-onasi yoki farzandlari yonida xotinini maqtash va erkalatishni axmoqona hatti-harakat deb hisoblagani uchun ehtiyot bo’lishadi.

Oilaviy hayot tarziga ko’nikish

Koreys bilan turmush qurgan chet elliklar uchun birinchi navbatda madaniyatlar o’rtasidagi farqni yengib o’tish, baxtli turmush kechirish juda ham muhim.
O’z vatanidagi oilasi bilan Koreyadagi yangi oilasi madaniyatlari o’rtasida farqli tomonlari bo’lganligi sabab hayot kechirishda qiyinchiliklarga duch kelsa quyidagi usullarni qo’llashni tavsiya etamiz.

  1. 1. Bir-birining oilaviy madaniyatini tushunish uchun harakat qilish
  2. 2. Turmush o’rtog’i va uning ota-onasidan oilaviy an’analar to’g’risida bilmaganlarini so’rab olish
  3. 3. Oilaviy hayotdagi muammolarni suhbat orqali kelishib hal qilish
  4. 4. Yolg’iz hamma narsani hal qilishga urinmay, atrofdagilardan yordam so’rash

Koreya bayramlari/Umumiy dam olish kunlari

Koreys oilalarida esga olinib nishonlanadigan kunlar

Oilaviy hayotda bolalarning tug’ilishi, to’y, janoza kabi turli hodisalar bo’ladi. Bu shaxsning o’zi va uning oilasi uchun muhim bo’lganligi sababli, bunday kunlarni xursandchilik bilan nishonlash yoki qayg’u bilan eslash odob doirasi hisoblanadi.

1) Bolaning tug’ilishi
  • • Pegil (100 kunlik): Koreyada bola tug’ilganiga 100 kun to’lishi munosabati bilan bayram qilib nishonlaydilar. Pegil taomlari sifatida peksolgi (guruchli non), susukyongdan (qizil fasolli nachinkali guruch), miyokkuk (dengiz karami sho’rvasi) tayyorlanib, bolaga toza va yangi kiyimlar kiydirib tabriklaydilar.
  • • Tol (1 yillik) Bola tug’ilganiga 1 yil to’lgani munosabati bilan birinchi tug’ilgan kunida qarindosh-urug’lar taklif qilinib, bolaning tug’ilgan kunini nishonlaydilar. Unga koreys milliy kiyimi "hanbok" kiydirilib dasturxon bezaydilar. An’anaga ko’ra, dasturxonga peksolgi, songpyon, susugyongtan kabi taomlar tortilib, meva, ip, guruch, tosh, qalam, kitob (hozirgi kunda stetoskop, mikrofon kabilar ham qo’yiladi) qo’yilib, undan keyin ularni olish “tolchabi” (bola lalidan nimani olishini kuzatishadi) marosimi o’tkazilib "toktam" (yaxshi tilaklar) bilan sovg’alar beriladi. Hozirgi kunda restoranlarda "tol" tug’ilgan kunda dasturxon bezatishadi.
  • Sengil (tug’ilgan kun): Bu kishining tavallud kunini anglatib, kattalarning tug’ilgan kuni “sengshin” deyiladi. Koreyada an’anaga ko’ra tug’ilgan kunda ertalab miyokkuk (dengiz karami sho’rvasi) qaynatib ichiladi. Oilaviy sharoitga qarab mazali taomlar tayyorlanib, yaqin qarindosh yoki do’stlar taklif qilinadi. Taklif qilingan kishi tug’ilgan kun egasiga mos kerakli narsa sovg’a qiladi yoki naqd pul berishi ham mumkin.
2) To’y marosimi (nikoh)

Koreyada an'anaviy va zamonaviy uslubdagi to’y marosimlari mavjud bo’lib, an'anaviy uslubdagi to’ylar hozirda deyarli yo’q bo’lib ketib, ko’pchilik zamonaviy uslubda to’y qiladi. Zamonaviy to’ylar to’y marosimi zali yoki mehmonxona, cherkov, ibodatxona va shu kabi joylarda qilinadi. Kuyov kostyum-shim, kelin esa oq kelinlik libosini kiyib, to’y qilishadi va to’y tugagach "hanbok" (koreys milliy kiyimi)ni kiyib qaynona, qaynota, ulardan tashqari yana kuyov tomondagi yoshi ulug’ kishilarga "pebek" (milliy ta’zim) qiladilar. Hozirgi kunda ikki taraf oilalariga ham milliy ta’zim qilinayotgan hollar ham uchrab turadi.

3) Hvegap va kohiyon (uzoq umr tilab o’tkaziladigan marosim) yubileylari
  • Hvegap yubileyi: 60 (koreys yoshi bilan 61) yoshni qarshi olganligini anglatadi. Avvalgi zamonlarda umr davomiyligi qisqa bo’lgan, shuning uchun uzoq va sog’lom umr ko’rishlarini tilab tabriklash uchun farzandlar ota-onasi uchun ushbu yubileyini o’tkazadi. Umr davomiyligi oshib borayotgan hozirgi zamonda shunchaki tabriklab qo’yishmoqda. Qadimda ziyofat o’tkazib berish muhim bo’lgan bo’lsa, hozirda farzandlar ota-onalarini sayohatga jo’natish yoki naqd pul sovg’a qilish bilan cheklanishmoqda.
  • Kohiyon yubileyi: 70 (koreys yoshi bilan 71) yoshni qarshi olganligini anglatadi. Yaqin kishilarni taklif qilib har yilgi tug’ilgan kundan kattaroq qilib ziyofat uyushtiriladi va sovg’alar beriladi.
4) Dafn marosimi

Biror kishi hayotdan ko’z yumsa o’tkaziladigan marosim hisoblanadi. Vafot etgan kishining oila a’zolari marosim kiyimini kiyib, marhumga esa marhumlarga kiydiriladigan maxsus kiyim kiydiriladi. Odatda bunday kiyimni yoshi o’tgan kishilar tiriklik vaqtlari tayyorlab qo’yadi. Dafn marosimi kiyimi xonadonlar va shuningdek viloyatlarga qarab farqlanadi. Ba’zi kishilar qanor matodan tikilgan kiyim kiyadi, ko’pchilik esa oq va qora kiyim kiyadi. Munsang (ta’ziya)ga boruvchi mehmonlar o’ta yorqin rangdagi kiyimlarni kiymaydi, qora va oq turdagi liboslar kiysa maqsadga muvofiq. Ta’ziya bildirayotganda vafot etgan kishining oila a’zolari tayyorlagan usul orqali ibodat va ta’zim qilish bilan hamdardlik bildiriladi. Sharoitga qarab “ta’ziya puli” (naqd pul) ham beriladi.

5) Xotirlash marosimi

Bizni bu dunyoga keltirgan va olamdan o’tgan ajdodlar va ota-onalarni xotirlab, ulardan keyin qolgan avlodi sifatida asl ildizimiz va kelib chiqishimizni bilishimizda yordam beruvchi marosimdir.

  • Kijesa (har yili ajdodlarni xotirlash): ajdodlarning vafot etgan kuni tunda o’tkaziladigan marosim bo’lib, odatda ikkitagacha shajara ajdodlari uchun o’taziladi.
  • Chare: Bu marosim bayram kunlari marhumni xotirlab o’tkazilib, yangi yilgi xotirlash, uning Hanshik va Chusok kabi bayramlar bor.

Festivals

Koreyada milliy bayramlar va fasllarga ko’ra o’tkaziladigan tadbir lar mavjud. Koreyada oy va quyosh kalendaridan foydalanishadi. Milliy bayramlar va mavsumiy bayramlar odatda oy kalendariga qarab belgilanadi.

1) Yangi yil-Sollal (Oy kalendariga ko’ra 1-yanvar)
  • Mazmuni: Oy kalendariga ko’ra yangi yil boshlanadigan birinchi kun
  • Taomlar: Tokkuk (guruchli xamir solingan sho’rva), Mandu (Manti)
  • Nishonlanishi: Yangi kiyim kiyish (Solbim), ta’zim (Yoshi katta kishilarga ta’zim qilish), qabrni ziyorat qilish(ajdodlar qabriga borish), ‘yut’ o’yini
    ※ Yangi yildan bir kun oldin, yangi yil kuni, yangi yil kunidan bir kun keyin (Oy kalendari bo’yicha dekabr oyining oxiri, 1,2-yanvar kunlari) ommaviy dam olish kunlari deb e’lon qilingan.
2) Hosil bayrami-Chusok (Oy kalendari bo’yicha 15-avgust)
  • Mazmuni: Yil davomida yi’gib olingan hosil uchun minnatdorchilik bildirish kuni
  • Taomlar: Donli mahsulotlar (kuzda chiqadigan yangi donlar) va Songpyon (guruch unidan tayyorlangan chuchvara)
  • Nishonlanishi: Ajdodlarni yodga olish marosimini o’tkazib qabrni ziyorat qilishadi va oyni tomosha qilish, ‘Kang kang sulle’nomli milliy raqs
    ※ Hosil bayrami (Chusok)dan bir kun oldin, Hosil bayrami kuni, Hosil bayramidan bir kun keyingi (oy kalendariga ko’ra 14-, 15- va 16-avgust) kunlari ommaviy dam olish kunlari hisoblanadi.

Ommaviy dam olish kunlar

  • 1-yanvar: Quyosh kalendariga ko’ra yangi yilning birinchi kuni
  • Samilchol (Quyosh kalendari, 1-mart): Yapon mustamlakasi davridagi mustaqillik uchun kurash 1919 yil 1- martda boshlanib butun mamlakat bo’ylab keng tarqalgan sanani nishonlaydigan kun
  • Sokkatanshinil (Oy kalendari, 8-aprel): Budda tug’ilgan kun
  • Orini-nal (Quyosh kalendari 5-may): Bolalarni qadrlab, ularni baxtli bo’lishini rag’batlantirish uchun belgilangan kun
  • Hyonchungil (Quyosh kalendari 6-iyun): Koreya urushida halok bo’lganlar va vatan uchun jonini fido qilganlarni xotiralash olish kun
  • Mustaqillik kuni (Quyosh kalendari, 15-avgust): 1945 yil 15-avgust, Yapon mustamlakasidan ozod bo’lib, mustaqillikka erishilgan kun
  • Kechonjol (Quyosh kalendari, 3-oktyabr) Han millati ajdodi Tangun mamlakatga asos solgan sana. Kechonjol ‘Osmon ochilgan kun’ degan ma’noni bildiradi.
  • Hangil kuni (Quyosh kalendari, 9-oktyabr): Qirol Sejong koreys alfavitini e’lon qilgan, koreys yozuvi ustida tadqiqot olib borib keng tarqalishi uchun belgilangan kun
  • Songtanjol (Quyosh kalendari, 25-dekabr): Isus Xristos tug’ilgan kun
  • Yakshanba

Koreys taomlari

Asosiy koreys taomlari

1) Pap (qaynatilgan guruch)

Koreyaliklar odatda sabzavotlar, baliq, go’sht solingan ko’p turdagi sho’rvalarni qaynatilgan guruch bilan birga yeyishadi. Ular masalliq va tayyorlanish usuliga ko’ra 000ttang, 000chige, 000 chongol deya nomlanadi.

  • Guruchni qaynatib pishirilib Janubiy-sharqiy Osiyo mamlakatlardagi papga qaraganda yanada yopishqoq.
  • Avvaliga undan tanovul qilganda yaxshi xazm bo'lmasligi yoki oshqozon og'rishi ham mumkin.
  • Taxminan bir haftacha harakat qilsangiz, ushbu taom bilan do'stlashib keta olasiz.
2) Kuk, ttang, chchige, chongol (sho’rvalar)
  • Pugoguk: Quritilgan mintaydan qaynatib pishirilgan sho’rva. Charchoqni qoldirish va holsizlanishni yo’qotishda yordam beruvchi sho’rva turi.
  • Kongnamul-guk: Loviyaning tomiri uzun qilib o’stirilganidan tayyorlanadigan sho’rva
  • Miyok-guk: Dengiz karamidan solib, qaynatib tayyorlanadigan sho’rva
  • Sollongtang: Molning turli qismlari birga solinib, yaxshilab qaynatiladi va unga pap solib tayyorlanadigan taomdir.
  • Kalbi-ttang: go’shtning qovurg’ali qismlari uzoq vaqt davomida qaynatilib, sho’rva soyasi va tuz solingan qayla va ta’bga ko’ra biror lag’mon turi solinib tayyorlanadi
  • Kamja-ttang(kartoshkali sho’rva): cho’chqa qovurg’ali go’shti va kartoshka, sabzavotlar bilan qaynatib tayyorlanadigan ovqat.
  • Talkpogim-ttang(qovurilgan tovuq go’shtili ttang): Tovuq go’shti, sabzavotlarga ziravorlarni aralashtirib qaynatilib tayyorlanadigan ovqat
  • Kimchi-chige (kimchili tchige): Kimchi va cho’chqa go’shti kabilarni birgalikda qaynatib tayyorlanadigan ovqat
  • Tvenjang-chige (twinjang qaylasi solingan chige): Tvenjangni o’ziga singdirib olgan suvga tubu, qovoq, qo’ziqorin, bosh piyoz va boshqalarni solib qaynatib tayyorlanadigan ovqat.
  • Pude-chige: Kimchi va kolbasa, turli xil sabzavotlarni birga qaynatib tayyorlanadigan ovqat.
  • Tongte (sengtxe)-tchige: Quritilgan mintay va turp, tubu, qovoq solinib qaynatib tayyorlanadigan baliq sho’rva
  • Nakdji-chongol: To’g’ralgan sakkizoyoq va sabzavotlar, qo’ziqorin solinib yetarlicha qaynatib tayyorlanadigan taom
  • Tubu-chongol: asosiy masalliq tubu bo’lib, piyoz, sabzi, mol go’shti solib qaynatib pishiriladigan taom

3) Kimchi

Kimchi koreyslarning har ovqatlanishda dasturxondan tushmaydigan eng muhim yegulik bo’lib, mazali ta’m va ozuqalar, saqlanish uslublariga ega. Turf, karam, bodring va boshqa sabzavotlarni tuzlab, unga qalampir, sarimsoqpiyoz, piyoz, imbir, tuzlangan dengiz mahsilotlari va ta’m beruvchi ziravorlar bilan marinadlanib bostirilib qo’yiladi./p>

Undan so’ng belgilangan ma’lum haroratda saqlab, achitmasdan ma’lum vaqt ichida tanovvul qilinadi. Qishda karam yetishtirilmasligi sababli, noyabr oxiri dekabr boshlarida uzoq vaqtga yetadigan turli xil kimchilar ko’p miqdorda tayyorlanishi “kimjang” deb ataladi.
Kimjang vaqti kerakli miqdorda kimchi tayyorlash uchun yaqinlar bilan birgalikda tayyorlashadi.

4) Go’shtli taomlar

  • Pulkogi: Biroz shirin va ajoyib ta’mga ega bo’lib, mol go’shti yupqa to’g’ralib ziravor solingandan keyin qovuriladigan taomdir.
  • Kalbi: Mol va cho’chqa qovurg’asiga ziravor solingandan keyin qovuriladigan taomdir.
  • Samgyopsal: Cho’chqaning qorin qismidagi go’shti tovada qovurilib, turli ko’kat va zabzavotlar bilan o’rab yeyiladigan taomdir
  • Tak-galbi: Qismlarga bo’lib to’g’ralgan tovuq go’shtini sabzavot va ko’kat bilan qovurib tayyorlanadigan biroz achchiq taomdir.
  • Cheyuk-pokkim: Cho’chqa go’shti sabzavot va ko’katlar bilan qovuriladigan taomdir.
5) Baliqli taomlar

  • Sengson-hve: Xom baliqni achchiq qalampir pastasi yoki soya pastasi hamda soya, chili sousi kabilarga botirib istemol qilinadigan taomdir.
  • Sengson-kui: Baliqqa faqat tuz sepib olovda pishiriladi yoki ziravor va sous surtilib olovda pishiriladigan taom
  • Sengson-chchim: Baliqqa ziravor va sous, suv solib qaynatiladi yoki qasqonda dimlab pishiriladigan taom
  • Sengson-chorim: Baliq, sabzavotlar, soyali sous, ziravor va sous solib uzoq vaqt dimlanadi
  • Ojingo-pokkim: Kalmarni sabzavot va ko’katlar bilan birga achchiq qilib qovuriladigan taom
6) Yengil taomlar
  • Ramyon: Qisqa vaqt ichida osongina qaynatib yeyish mumkin bo’lgan ovqat. Achchiq, o’rtacha ta’mlarga ega bo’lib, faqat issiq suv solib tayyorlanadigan qutichali ramyonalar ham bor.
  • Kimpap: Kim (dengiz karami mahsuloti)ga pap, shirin turf, kolbasa (cho’chqaniki), tuxum, sabzi, bodring va boshqalar solinib rulet shaklida o’rab tayyorlanadigan taom bo’lib, narxi arzon va qorinni to’ydirish mumkin bo’lgan taomdir.
  • Kuksu (lag’mon turi): Kuksuni sho’rvaga solib yoki ziravor va soyaga arlashtirib yeyish mumkin bo’lgan taomdir.
  • Manti : Go’shtli, kimchili, suvli, qovurilgan kabi manti turlari mavjud bo’lib, unga ko’ra undan qilingan xamir ichiga go’sht, kimchi va boshqa masalliqlar solinib dimlanadi gan yoki yog’da qovuriladigan taomdir.
  • Ttokpokki: guruchli, unli ttok turlari mavjud bo’lib, ularni ma’lum uzunlikda qirqib baliqli kotlet va turli sabzavotlar va ziravor va sous solinib va qovuriladigan taomdir.
  • Sunde: Cho’chqaning ichagiga lag’mon solib kolbasa qilinadi va qaynatib pishiriladigan taomdir.

7) Fasl mevalari

Koreya bahor, yoz, kuz, qish kabi 4 faslga ega mamlakatdir. Har bir faslda o’zining pishadigan mazali mevalari mavjud. Hozirgi kunda issiqxonalar faoliyati yo’lga qo’yilib, fasllarga qaramay, xohlagan faslda xohlagan mevani yeyish mumkin. Biroq, o’z faslida pishgan meva eng mazali bo’ladi. O’z yurtingizda yegan mevani yeyishni xohlasangiz, katta univermaglar yoki supermarketlardan topishingiz mumkin.

  • Bahor: Olcha, qulupnay va hokazo
  • Yoz: qovun, shaftoli, tarvuz, o’rik, pamidor va hokazo
  • Kuz: xurmo, nok, olma, jiyda, kashtan, uzum va hokazo
  • Qish: mandarin, apelsin va hokazo

8) Ziravor va souslar
  • Sarimsoqpiyoz: Qattiq qavat-qavat po’stloq ichida mazasi, olovda pishirilganda achchiq ta’mi pasayib, shirin ta’m chiqaradi. Suyuq ziravorlarni ishlatganda ezilib, xushbo’y ta’m beruvchi ziravorlar butunlay ishlatiladi.
  • Soya: Taom ta’bini to’g’irlashda foydalaniladigan sho’r tamga ega qora rangdagi suyuq ziravor. Loviyali soya va tuzli suvda achitib tayyorlanadi. Soyaning kukkanjang (choson kanjan, chin kanjang) va yangjo kanjang turlari bor. Sho’rva uchun mo’ljallangan soya sho’rva yoki ko’katlarga solinganda, yangjo kanjang esa aralashtirib qo’yish yoki sengson-hvega solinib botirib tanovvul qilinadigan paytda ishlatiladi.
  • Qizil qalampir pastasi: Achchiq ta’mni beruvchi ziravor. Qalampir kukuni, soya uni, tuz solib tayyorlanadi. Soya kukunining o’ziga xos ta’mi, qalampir kukunining achchiq, tuzning sho’r ta’mi birlashib qizil qalampir pastasiga ajoyib ta’m beradi.
  • Soya pastasi: Loviyadan tayyorlangan soya va tuzdan qilinadigan o’ziga xos koreys ziravori hisoblanadi. Sho’rvali taomlarda ko’proq ishlatiladi.

Koreys oila a'zolarini chaqirish

Til odobi

“Hoching” bu biror kishini bevosita chaqirishda foydalaniladigan so’z bo’lib, “chiching” esa biron kishi haqida boshqa odamga gapirganda ishlatiladigan so’z va bu ikkala so’zni umumiy qilib aytanda “chingho” deyiladi. Koreyada boshqa davlatlardan farqli o’laroq, bir xil darajada bo’lsa ham vaziyatga qarab kishilarni turli xil so’zlar bilan chaqiradilar. Shuningdek, bunda sof koreys tili “chingho” va xitoy so’zlaridan aralash foydalaniladi. Shuning uchun “hoching” yoki “chiching”ni noto’g’ri ishlatsa tarbiyasiz kishiga o’xshab ko’rinadi.

Oila a’zolarini chaqirish usuli

Koreyada oilaviy munosabatlarda bir –biriga nisbatan odob saqlagan holda chaqirganda ishlatiladigan maxsus so’zlar mavjud. Quyidagi oilaviy shajara*ga qarasangiz unda er va xotinning oila a’zolarini chaqirganda ishlatiladigan maxsus so’zlar ko’rsatilgan. Katta yoshdagilarni sizlab, kichik yoshdagilar bilan gaplashganda esa oddiy so’zlashuv uslubidan foydalaniladi. Lekin har bir oilada bu narsa biroz farq qilish ham mumkin bo’lib, oila bilan bu haqida oldindan maslahatlashib olgan ma’qulroq.

Ayolning eri, uning oila a’zolarini chaqirishda ishlatiladigan so’zlar

Erning xotini, uning oila a’zolarini chaqirishda ishlatiladigan so’zlar

Hurmat va oddiy darajadagi gaplar

Koreys tilida biron kishi bilan gaplashishda uning yoshi, munosabatlarining yaqinligi, lavozimiga qarab turlicha ifodalanadi. Bunday hollarda gaplashayotgan kishiga nisbatan hurmat (sizlash) va oddiy muomala gapidan foydalaniladi.

  • Agarda gaplashayotgan kishining yoshi katta yoki lavozimi baland bo’lsa, shuningdek rasmiy joylarda hurmat gap ishlatiladi
  • Agarda gaplashayotgan kishi do’sti yoki o’zidan kichik yoshdagi shaxs bo’lsa oddiy muomala gapi ishlatiladi